81. Çox çətinliklərdən keçərək üç albom çıxaran, lakin bəxti gətirmədiyi üçün sonda dağılan bu kollektiv müasir Azərbaycanın ilk rok qruplarından biri idi. Xalqın çörək növbələrinə düzüldüyü, gecələr isə işığa çıxışın olmadığı dövrlərdə bu insanlar almanların, fransızların və türklərin diqqətini çəkmiş, türk musiqisinin “altın çağı”nda geniş dinləyici kütləsi qazanmışdılar. Məhdud imkanlarla bu qədər mahnını irs kimi qoydular, amma 30 il keçməsinə baxmayaraq, onların etdiklərinin oxşarını yarada bilən olmadı.